Kva skjer når sukker løyser seg opp?

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om. 

Sei at du skal løyse opp litt sukker i ei lita mengde med varmt vatn i eit begerglas. Spør: Korleis kan vi sjekke om volumet eller massen endrar seg? Bruk tenk-par-del . Sett eit merke for å marke vassnivået. Veg begerglaset med vatn. Tilsett sukker og observer om vassnivået endrar seg. Veg glaset etter tilsetjinga. Spør: Er det noko anna som endrar seg når sukkeret løyser seg? Sett til meir sukker i vatnet og sjå kva som skjer. Spør: Kan vi tilsetje så mykje vi vil og få det løyst opp? Skjer det same dersom vi tar salt i vatn? Endrar tettleiken til vatnet seg? 

Be elevane føreseie kva dei trur vil skje til volumet dersom dei blandar to ulike væsker, for eksempel vatn og etanol, og kvifor dette skjer.