Korleis blir ei kald skei varm?

Ei metallskei er eit fast stoff med partiklar som er tett saman. Dei kan ikkje byte plassar eller bevege seg frå den eine enden til den andre. Når eit fast stoff blir varma opp, vibrerer partiklane meir. Jo høgare temperatur, jo meir vibrerer dei. Partiklane i skeia som blir varma opp, vibrerer meir, kolliderer med partiklane i nærleiken og får desse til å vibrere meir, og desse kolliderer vidare med partiklar i nærleiken. Energien blir overført gjennom skeia ved at partiklar kolliderer og overfører energi til neste gruppe av partiklar. Denne prosessen kallar vi varmeleiing. Energien ligg i bevegelsen til partiklane, og dette blir ikkje påverka av tyngdekraften eller hellinga til skeia. Varme gassar og væsker stig i ein prosess som vi kallar konveksjon, men dette skjer berre i væsker og gasser der partiklane kan bevege seg fritt.