Pusting eller respirasjon?

Respirasjon er eit ord som blir bruka på to ulike måtar. Innafor helse og fysiologi betyr det transport av oksygen frå utsida av kroppen og til cellene og transport av karbondioksid i motsett retning. Vi trekker luft inn i lungene når mellomgolvet og musklane mellom ribbeina trekker seg saman og utvidar brystkassa. I lungene går oksygen over i blodet og blir frakta med dei raude blodcellene ut til cellene i kroppen. Karbondioksid frå celleandinga i cellene blir frakta med blodet tilbake til lungene, og går der over til lungeblærene og blir pusta ut. Pusting er berre en del av respirasjonsprosessen, ikkje heile.

I andre biologidisiplinar kan respirasjon ha ei anna meining. Det kan referere til cellerespirasjon eller celleanding som er ein kjemisk prosess i plante- og dyreceller. I dei fleste situasjonar betyr dette oksygen som blir kombinert med sukker og energi blir frigitt. I denne reaksjonen blir det laga karbondioksid som må skiljast ut. Fjerning av avfallsstoffet karbondioksid er også ein form for ekskresjon.