Kva for ei lampe lyser sterkast?

Lyspæra på 40 W vil gløde sterkast når dei blir kopla i serie.

Glødetråden i ei 40 W lyspære er tynnare, og han har derfor større resistans enn glødetråden i ei 100 W lyspære. Større resistans gjer at det går mindre straum gjennom denne pæra, dersom pærene blir parallellkopla. Då vil straumen gjennom 40 W-pæra vere 40/100 av straumen gjennom 100 W-pæra. Då går det altså ein større straum gjennom 100 W-pæra, og ho vil gløde sterkast. Men når pærene blir kopla i serie, blir straumen den same gjennom begge pærene og han blir mindre. Den same straumen ”pressar seg gjennom” den tynnare tråden i 40 W-pæra og får ho til å lyse meir enn 100 W-pæra.