Korleis lage saft av villblomstrar?

Førebuing

Finn eit område med geitrams, mjødurt eller løvetann. Skaff posar, boksar eller bøtter til å legge blomstrane i og ei vekt til å vege blomstrane med. Ei vanleg kjøkkenvekt passar fint.

Til saftinga treng de vatn, sukker og sitron.

Til éin liter saft trengst:

• 150 g villblomstrar
• 1 l vatn
• 5 dl sukker
• Ca. 25 g sitronsyre

Sjå gjennom presentasjonen. Det er laga sider for alle dei tre blomstrane (geitrams, mjødurt eller løvetann), men dei to siste ligg som skjulte sider.

Presentasjon til etterarbeidet:

• PowerPoint: bokmål | nynorsk
• Google: bokmål | nynorsk

Ute, 20 min

Samle elevane i ein halvsirkel framfor deg. Fortel at elevane i denne økta skal lage saft av villblomstrar. Først må blomstrane plukkast, og dei treng 150 gram blomstrar til éin liter saft.

Vis fram kva blomstrar elevane skal plukke. Spør elevane kor mange blomstrar dei trur dei må ha for å få 150 gram, og korleis dei enklast mogleg kan plukke blomstrane av planten. Gje elevane eit avgrensa område dei skal halde seg innafor når dei plukkar.

La vekta stå framme slik at elevane kan vege posen/bøtta undervegs.  

Etterarbeid i klasserommet, 40 min

Legg blomstrane i eit dørslag, skyl dei og legg dei over i ein bolle. Kok opp vatn og set til sukker og sitronsyre. Røyr til alt sukkeret har løyst seg opp. Hell sukkerlaken over villblomstrane og avkjøl.

La blandinga stå kjøleg i fire dagar. Når safta er sett til kjøling, be elevane sette seg. Gå gjennom presentasjonen.

Servering

Etter fire dagar, sil safta og hell ho på ei rein flaske. Bland ut safta, for eksempel i blandingsforholdet 1:4. Server til klassen, gjerne til litt isbitar og smak.