Kvar kjem metall frå?

Vis grubleteikninga til elevane. PDF: bokmål nynorsk

Les høgt dei ulike utsegnene eller la elevane lese dei sjølve. 

Bruk  tenk-par-del  der kvar enkelt elev først tenker gjennom kven han/ho er mest einig med. La dei så fortelje kvarandre to og to kva dei tenker. Be dei om å grunngi kvifor dei tenker som dei gjer. La til slutt nokre av elevane fortelje heile klassen kva dei snakka om. 

Be elevane lage ei liste over vanlege metall dei har heime. Be dei bruke periodesystemet.no for å finne ut kvar desse metalla kjem frå. Spør: Kor mange metall kan du namnet på? Mange kan kanskje komme på ti metall, men det finst mange fleire. Be elevane sjå på periodesystemet for å finne dei metalla dei kjenner til. 

Be elevane finne ut kva for ordning kommunen har for å resirkulere metall. Spør: Kvifor trur de at det er viktig å resirkulere metall? 

Sei: Metall har vore viktig gjennom historia. Be elevane lage ein tabell som viser korleis ulike metall og metalleigenskapane har påverka sivilisasjonar gjennom dei siste 5000 åra.