Undervisningsopplegg

Økt 4: Lage reklame for produktet

Økt 4 I denne økta skal kvar gruppe legge fram sitt forslag til forbetringar av eit teknologisk produkt eller design av eit nytt produkt. Dei skal presentere ein reklame for produktet der dei argumenterer for korleis endringa bidrar til ei meir berekraftig utvikling. Gruppene skal også vurdere kvarandre.

Læringsmål

Elevane skal kunne:

formidle produkt/produktforbetring og påpeike styrker og svakheiter ved eige og andre sitt arbeid

Forslag til tidsbruk

Oppdrag og kjenneteikn på måloppnåing	5 min
Gruppe 1 presenterer	10 min
Gruppearbeid, vurdere presentasjon til gruppe 1, førebu tilbakemeldingar	5 min
Gruppe 1 sin kritiske venn gir tilbakemeldingar	5 min
Gruppe 2 presenterer	10 min
Gruppearbeid, vurdere presentasjon til gruppe 2, førebu tilbakemeldingar	5 min
Gruppe 2 sin kritiske venn gir tilbakemeldingar	5 min
Gruppe 3 presenterer	10 min
Gruppearbeid, vurdere presentasjon til gruppe 3, førebu tilbakemeldingar	5 min
Gruppe 3 sin kritiske venn gir tilbakemeldingar	5 min
Gruppe 4 presenterer	10 min
Gruppearbeid, vurdere presentasjon til gruppe 4, førebu tilbakemeldingar	5 min
Gruppe 4 sin kritiske venn gir tilbakemeldingar	5 min
Oppsummering	10 min
TOTALT	90 min

Førebuing og utstyr

1. Planlegg for kvarandrevurdering: Kvar gruppe skal vere «kritisk venn» til ei av dei andre gruppene. Dette inneber å bruke kjenneteikn på måloppnåing (og støttespørsmål) til å gi tilbakemeldingar på presentasjonen til gruppa. Når kritisk venn har gitt sine tilbakemeldingar, kan dei andre gruppene supplere med kommentarar. I forslag til tidsbruk på framsida av økta er det lagd inn fem minutt etter kvar presentasjon til å diskutere presentasjonen og førebu tilbakemeldingar.

Gjennomføring av økt 4

Oppdrag og kjenneteikn på måloppnåing. Les oppdraget for elevane, og minn dei på kjenneteikn på måloppnåing og støttespørsmål (sjå elevheftet s. 6–8).

Presentasjonar og tilbakemeldingar/kvarandrevurdering. Be alle gruppene notere i skjema til kvarandrevurdering (sjå elevheftet s. 8) under presentasjonene. Fortel at kvar gruppe skal vere «kritisk venn» til ei av dei andre gruppene og at dette inneber å bruke kjenneteikn på måloppnåing (og støttespørsmål) til å gi tilbakemeldingar på presentasjonen til gruppa. Fordel gruppene slik at kvar gruppe har ei anna gruppe som kritisk venn. Informer om at etter kvar presentasjon får gruppa fem minutt til å diskutere presentasjonen og førebu tilbakemeldingar. Sei at når kritisk venn har gitt sine tilbakemeldingar, kan dei andre gruppene supplere med kommentarar.

Gjennomfør presentasjonar og tilbakemeldingar etter planen.

Oppsummering. Bruk tenk-par-del , og spør elevane kva dei meiner er det viktigaste dei har lært av dette opplegget og kva som var mest utfordrande.